زۆرکەس ئەمەی بەسەر دێت ، بەڵام کەم کەس دەردەچێت!
زۆرکەس ئەمەی بەسەر دێت ، بەڵام کەم کەس دەردەچێت!
زۆر لە ئێمەی مسوڵمان لەژیانی ڕۆژانەماندا ،هەندێ جار لەبەرخاتری خوای گەورە بەدەم کێشەی کەسێکەوە دەچین و یارمەتی دەدەین و بەپێی توانا هەوڵ دەدەین ڕزگاری بکەین لەو کێشەیەدا!.
بەڵام خوای پەروەردگار بۆ تاقی کردنەوەی بەندەکەی و ساغ کردنەوەی کارەکەی مامەڵەیەکی قورس لەگەڵ ئەو بەندەیەیدا ئەنجام دەدات، ئەویش بە تاقی کردنەوەیەکی سەخت کە لەلایەن ئەوکەسەی تۆ لەبەر خوای گەورە بەدەمیەوە چویت ، توشی کارەسات و ڕوداوێکت دەکات!.
ئا لەویادا دەردەکەوێت کارەکەت لەبەر خاتری خوای گەورە بووە؟ یان بۆ ناو ناوبانگ و بەرژەوەندی تاکە کەسی خۆت بووە؟.
لەوانەشە بەرژەوەندیەکی تێدا نەبێت!، بەڵام شەیتان خێرا دێتە بن کڵێشەتەوەو ، سەرزەنشتت دەکات کەوا تۆ چۆن بویت بەرامبەر بەوکەسەو ، ئەویش چۆن پاداشتی چاکەکەتی داوەتەوەو، بەزوترین کات دەیەوێت توشی بەرپەرچ دانەوەیەکت بکات لەبەرامبەر ئەوکەسەدا، بەوەی یان چاکەکەی دەدەیتەوە بەنێو چاوانیدا!، یان ناشکوریەك ئەنجام دەدەیت و دەکەویتە باس کردنی چاکەکەت لەناو خەڵکیداو ، پاداشتی خێرەکەت بە با دەدەیت!.
هەر بۆیە ئالێرەدا دەبێت زۆر ووریای نەفس و شەیتان بین و ، دڵنیاشم کەم کەسمان هەیە ئالەم حاڵەتەدا ڕزگارمان بوببێت!.
خوای گەورە ئارامی و سەقامگیریمان پێ ببەخشێت لەکاتی ڕودانی هەر ڕوداوێك کەوا نەخوازراوەو، بەرۆکمان دەگرێت لەکاتێکدا ئێمە تەنها نیەتی خێرمان هەبوە لەو کارەدا!.
نوسینی" ڕەنج شێخانی
