پرسیار:ئایا ئەگەر ئیمام بیت و لەکاتی نوێژدا بایەکت لێ دەربچێت چی بکەین؟، دەبێت وازبێنین لە نوێژەکە؟، بەڵام چۆن کەسی دوای خۆمان ئاگادار بکەینەوە یان خۆمان بڕۆینە دەرەوەو بەپێش خەڵکدا بڕۆین؟.
وەڵام: برا سەربەرزو بەڕێزەکەم سەبارەت بەوەڵامی پرسیارەکەتان پشت بەخوا دەڵێین:
سەبارەت بە بەتاڵ بونەوەی دەست نوێژی ئیمام لەکاتی نوێژدا ، فەرموودەمان هەیە لەوبارەیەوە کەوا دەبێت ئیمامەکە کاتێك زانی دەست نوێژی بەتاڵ بۆتەوە ، ڕاستەو خۆ لەپاش خۆیەوە بەدەست کەسێکی ڕیزی دوای خۆی دەهێنێتە پێشەوەو ، ئەو کەسە نوێژەکە تەواو دەکات لەو شووێنەوەی ئیمامەکە دەست نوێژی بەتاڵ بۆتەوەو ، ئیمامەکەش دەڕوات دەست نوێژی تازە دەگرێتەوەو،ئاسایشە بە پێش خەڵکیدا بڕواتە دەرەوە، بەو مەرجەی بەپێش ئیمامەکەدا نەڕوات چونکە ستری ئیمام بۆ نوێژ خوێنانی دواوەشەوەیەو، ئیتر سەر لە نوێ نوێژەکەی دەکاتەوە.
بەڵام هەندێ لەزانایان ڕێگەیان داوەو دەفەرموون ، باشتر وایە لەوکاتەدا ئیمامەکە دەست بگرێت بەلوتی یەوە، بۆ ئەوەی نوێژ خوێنەکان گومانی خراپی پێ نەبەن و دواتر تانەو تەشەری لێ نەدرێت، لەگەڵ ئەوەشدا پرسیارکرا لە زانایان سەبارەت بەوەی ئەگەر ئیمام پێش نوێژی بکات و دەست نوێژی بەتاڵ بێتەوەو، لەوکاتەشدا لەبەر شەرم یان تانەو تەشەری خەڵکی ، دەست نوێژ نەگرێتەوەو نوێژەکە بەبێ دەست نوێژو بەو شێوەیە تەواو بکات، ئایا ئەو نوێژە دروستە بۆ نوێژ خوێنانی دوای ئەم ئیمامە؟.
لەوەڵامدا فەرموویانە: بەڵێ نوێژی نوێژ خوێنان دروستەو هیچ نادروستیەکی تێدا نی یەو ، تەنها ئیمامەکە تاوانبار دەبێت و دەست نوێژ دەگرێتەوەو دواتر نوێژەکەی دەبێت بکاتەوە
چونکە فەرموودەمان هەیە لەسەر ئەوەی کەوا چاکی ئیمام بۆ نوێژ خوێنانیشەو ئەوانیش پاداشتی لەسەر وەردەگرن ، بەڵام هەڵەکەی تەنها بۆ خۆیەتی و تەنها خۆی پێ تاوانبار دەبێت
بەڵام ڕاستیەکەی دەبێت ڕەچاوی زەرەرو قازانج بکرێت بەتایبەتی کۆمەڵگەی ئێمە بەوە ناسراوە ، کە دەرچونی بای بێ دەنگ یان دەنگدار عەیبەیەو ، دواتر دەبێتە ناو ناتۆرە بەسەر ئەوکەسەوە، کەوابو حسابی شوێن و مەکانیش دەکرێت کەوا چۆن مامەڵەی لەگەڵدا بکرێت ، واتە: ئەگەر هاتو زۆربەی نوێژ خوێنان شارەزابون لەزانستی شەرعی ئەوە دەتوانێت کەسێك بهێنێتە شوێنەکەی خۆی و ، ئیمامەکە بچێت دەست نوێژ بگرێتەوە!.
بەڵام ئەگەر نوێژ خوێنان ناشارەزابوون لەزانستی شەرعیداو، زۆربەیان خەڵکی سادەبوون ، ئەوە وەی لەحاڵی ئەو ئیمامە کەدواتر پێی نەڵێن مەلا تڕکەن یان مەلا تسکەن دوور لەڕوی بەڕێزتان، ئەمە لەکاتێکدایە لەوەیە ئەو ئیمامە لەسەرەتاوە بیری چوبێت کەدەست نوێژیشی نیەو، شەرت نیە لەناو نوێژەکەدا دەست نوێژی بەتاڵ بوبێتەوە ،بۆیە دەتوانێت نوێژەکەی بەردەوام بکات و دواتر ، خۆی دەست نوێژ بگرێتەوەو نوێژەکەی بکاتەوەو داوای لێخۆش بوون لەخوای گەورە بکات!.
بۆ نمونە من ئەم حاڵەتە بەسەرمدا هات لە وڵاتی یۆنان لە بۆنەی عەقیقەی مناڵی برایەکدا بووین ، نوێژی نیوەڕۆمان کردو پاشان نانمان خوارد، پاشتر من چوم دەستم بەئاو گەیاند ، بەخەیاڵی خۆم دەست نوێژم ماوە ، بۆیە کاتێك بانگی عەسر درا لەڕکاتی یەکەمدا بیرم کەوتەوە کە من دەست نوێژم نەماوەو چومەتە سەرئاو، بۆیە برایەکم هێنایە پێشەوەو، بە پێکەنینێکیشەوە بۆ ئەوەی کەس گومانی خراپ نەبات پاش نوێژەکە وتم: براکانم سوێند بەخوا بام لێ دەرنەچوە، بەڵام هەر دەست
باوکی ئەسماء
