پرسیاری ڕەمەزانی لەسەر ڕۆژووی مناڵ بۆ دایك و باوك
ئەگەر مناڵ باڵق نەبو بێت ، بەڕۆژوو
بێت ، ڕاستە دایکی ئەتوانێ ڕۆژووەکانی لێ بکڕێتەوە؟، شتێکی وام گوێ لێ بووە!، چۆن
شتی وادەبێت؟.
براسەربەرزەکەم سەبارەت بەوەڵامی پرسیارەکەتان بەم شێوەیە إن شاءا لله.
کەسێك کە زیندوە تا لەژیاندابێت کەس ناتوانێت ڕۆژوی بۆ بگرێت یان بیکڕێتەوەو،هەرگیز کڕین و فرۆشتنیش بە فەڕزەکانی خوای گەورەوە نەبوەو ناشبێت لەشەرعداو، هەموو بەندەیەك بۆ خۆی دەبێت بەپێی توانای خۆی فەڕزەکانی سەر شانی جێ بەجێ بکات!.
ڕاستە مناڵ ڕۆژووی لەسەر نیە، بەڵام دەبێت ڕاش بهێنرێت لەسەر ئەو عیبادەتە بۆ ئەوەی کاتێك باڵق بوو، بێ توانا نەبێت یان تەمەڵی نەکات لەگرتنی ڕۆژوودا!.
بەڵام ئەگەر خوا نەخواستە ئەو دایکە یان باوكی مردبو ، وە ڕۆژوو قەرزار بوون، ئەوە ئەوکات بۆی هەیە ڕۆژووی قەرزیان بۆ بگێرێتەوە، بەڵام تا لەژیاندا بن ئەوە شەرع ڕێێ داناوەو ڕێگەی داوە کەوا کەسێك توانای ڕۆژووی نەبێت ، جا ئەگەر بەهۆی نەخۆشی کاتی یان بەردەوام و درێژ خایەنەوە بێت یان لەسەفەردا بێت یان پیرو و پەك کەوتە بێت یان ئافرەت بێت و حەملی هەبێت و مناڵی ببێت، تا ئەو کەسەی کەوا زۆر ناڕەحەت دەبێت ڕێی بۆ دانراوەو، دەبێت بەپێی ڕینماییەکانی شەرع بڕۆین بەڕێوە!.
کەوابوو ڕۆژوو فرۆشتنمان نیە و بەهیچ شێوەیەك ناتوانێت ڕۆژوو بفرۆشێتەوە بەدایکی با مناڵیش بێت و باڵق نەبوبێت مادەم دایکی زیندوەو لەژیاندایە دەبێت خۆی بەڕۆژوو بێت!.
خوای گەورەش زاناترە
وەلام دانەوە: باوکی ئەسماء
