بۆچی لەگەڵ ئەوەی شەیتان بەستراوەتەوە بەڵام لە ئێستاشدا دڵمان شتی خراپی پێدا دێت؟
ماموستاى ئازيزم پرسياريكم هه يه بوچى استاش له ره مه زاندا جار جار شتى ناخۆش دێته ناو دڵمان يان داڵغەمان ده روا له گه ڵ رێز و حورمه تم ماموستا گيان
برا سەربەرزەکەم سەبارەت بە وەڵامی پرسیارەکەتان
کەوا بۆچی لەگەڵ ئەوەی شەیتان بەستراوەتەوە بەڵام لە ئێستاشدا دڵمان شتی خراپی پێدا دێت؟
زۆر راستە فەرمایشتەکەت و لەوەڵامدا پشتیوان بەخوا دەڵێین:
لەبەر ئەوەی ڕاستە شەیتان بەستراوەتەوە، لەمانگی ڕەمەزاندا بەڵام پێش مانگی رەمەزان ڕای هێناوین لەسەر هەندێك تاوان و ، ئیتر ئێمەش عادەتمان پێوەگرتوە، بۆیە گەر شەیتان هەبێت یان نا، ئەوە ئەنجامدانی ئەو تاوان و سەرپێچی یە ئاسایی یە بەلامانەوە!.
هەر لەبەر ئەمەیە لەشەرعدا داوامان لێکراوە کە تاوانێکمان ئەنجام دا زوو تەوبەی لەسەر بکەین و خۆمان بپارێزین لەکەوتنەوە ناوی ئەو تاوانە، بۆ ئەوەی شەیتان فریومان نەدات و ڕامان نەهێنێت لەسەر تاوان!.
زانایانیش دەفەرموون: ئەگەر ویستتان بزانن شەیتان فریوی داون ئەوە لە مانگی ڕەمەزاندا تاقی بکەنەوە، ئەگەر مانگی رەمەزان ئیمان و باوەڕتان پتەوتر بوو ، وە چوست و چالاكتر بون بۆ ئەنجامدانی عیبادەتەکان و زیاتر دورکەوتنەوە لە تاوان و سەرپێچیەکان ئەوە سوپاسی خوا بکەن کە هێشتا نەکەوتونەتە ناو کەمینی شەیتانەوە!.
بەڵام ئەگەر مانگی ڕەمەزانیش هەر وەك مانگەکانی پێشوتر بوو، بزانە کەوا کەوتویتە کەمینی شەیتانەوەو ، پێویستە لە ڕەمەزاندا خۆت دەرباز بکەیت لەو داوە شەیتانیە!.
خوای گەورەش زاناترە برا بەڕێزەکەم
وەڵام دانەوە: باوکی ئەسماء
