ئافرەتانی مسوڵمانی بەشەرەفی کورد کۆڵەکەی پتەو و لەبن نەهاتوی پیاوەکانیانن و خوشکانی مسوڵمان بوی وڵاتانی هەندەرانیش تاجی سەری ئێمەن!.
ئافرەتانی مسوڵمانی بەشەرەفی کورد کۆڵەکەی پتەو و لەبن نەهاتوی پیاوەکانیانن و خوشکانی مسوڵمان بوی وڵاتانی هەندەرانیش تاجی سەری ئێمەن!.
بەڕاستی زۆر وڵات گەڕاوم و زۆر ئافرەتی وڵاتانی تریشم بینیوە لە هەموو ئەوسەفەرانەی کردومە لە دەساڵی ڕابردوودا بۆ زۆرێك لە وڵاتانی ئەوروپا تاوەکو ئێستاش ، نەم بینیوەو پێم شك نایەت بەگشتی هیچ ئافرەتێك هێندەی ئافرەتانی مسوڵمانی بەحەیاو شەرمی میللەتی کورد کۆڵ هەڵگرو کۆڵەکەی پتەوی لەبن نەهاتوی پیاوەکانیان بن!.
لە گەڵ ئەو پەڕی ڕێزو خۆشەویستیم بۆ ئەو برا بەڕێزانەم کە خێزانیان کورد نییەو ، خەڵکی وڵاتانی ترن، چونکە ئەم ووتەیەی من تەجروبەیەی ژیانی خۆمە،لەچەندین وڵاتی ئەوروپی و ئاسیایدا ،سەبارەت بە ئارام گرتن و بەدەمەوە چونی ئافرەتانی کوردە لەسەر ئازارەکانی ژیان،شان بەشانی پیاوەکەی، کە هەمیشە لەگەڵ غەمی پیاوەکانیاندا بون و پشتیان بەرنەداون!.
وە دەش زانم زۆر ئافرەتی مسوڵمانی ئەوروپیش مولتەزیم ترو دامەزراوترن لە زۆرێك لە ئافرەتانی لای ئێمە ، لە پاش ئەوەی دەگەڕێنەوە بۆ لای خوای گەورە!.
کە پێویستە ئافرەتانی مسوڵمانی کورد لەپێشتر بن بۆ دامەزراوییان لە باڵاپۆشیداو لەم ڕووەوە چاو بکەن لەو ئافرەتە بەشەرەفانەی وڵاتانی ئەوروپا کە لەوپەڕی خراپەکاری و تاوان و ڕوت و قوتیدا ، کاتێك دەگەڕێنەوە بۆ لای خوای گەورەو تەوبە دەکەن و دەبن بە مسوڵمان، بە شێوازێك دەگۆڕێن لە ڕوی ئیمان و داپۆشراوی یانەوە زۆر لەپێشترن لە زۆرێك لە ئافرەتانی وڵاتانی مسوڵمان کە هەڵگری پەیامی ئیسلامین ئەو شێوازەیان تێدا نابینرێت بەداخەوە!.
وە پێویستیشە خوشکانی تازە گەڕاوەی وڵاتانی هەندەرانیش لەڕوی ژیانی هاوسەری و ڕێزگرتنی پیاوەکانیانەوەو، بەشداری کارایان لە غەم و ناڕەحەتیەکانی پیاوەکانیان چاو بکەن لە ئافرەتانی بەشەرەفی میللەتی کورد، کەبەم شێوەیە هەردوولا دەبنە تەواوکەری یەك بۆ دروست کردنی خێزانێکی پتەو کە جیهان پێی سەرسام ببێت!.
نوسینی" ڕەنج شێخانی
