نزیك بونەوەی وادەی هاتنی ئیمامی مەهدی(سەلامی خوای لێبێت)
ئەم بابەتە بابەتێکی گرنگە بەپێی ئەو بەڵگانەی پێغەمبەری خوا(صلی الله علیە وسلم) باسی لێوە کردوە ، لەڕووداو و، نیشانەکانی قیامەتدا ، هەوڵم داوە بەکورتی تیشك بخەمە سەر ڕووداوەکانی ئەمڕۆی جیهان بەگشتی ،بە پشتیوانی خوا کە بەچاوی سەر دەبینرێت، ئەگەر پێکابوم ئەوە لەخوای گەورەوەیەو ئەگەر هەڵەش بوم هەڵەی خۆمەو داوای لێبوردن دەکەم لەخوای گەورە لەسەری!.
سەرەتا دەمەوێت سەرنجتان بەوە ڕابکێشم کەوا هەرکاتێك ڕووداوێك ڕویدا لەسەر زەویدا ،بێ خەم بگەڕێنەوە بۆ قورئان و سوننەت دڵنیابن لەوەی کە زۆر بە ڕاستەقینەیی باسی لێوە کراوە !.
ئەگەر بە ووردی سەرنجی ڕووداوەکانی جیهان بەگشتی و خۆر هەڵاتی ناوەڕاست و سوریاش کە بە یەکێك لە وڵاتی شام ناسراوە بدەین بەتایبەتی و، بە بەراورد لەگەڵ زۆرێك لە فەرموودە پیرۆزەکانی پێغەمبەری خۆشەویستمان (صلی الله علیە وسلم) سەبارەت بە نیشانەکانی قیامەت، ئەوە ئەو ڕاستیانەمان بۆ ڕون دەبێتەوە کەوا خەڵکی ئەم سەردەمە لە کۆمەڵێك ڕووداو گەلی ڕاستەقینەی نیشانەکانی قیامەت ،نزیك دەبێتەوە وەك هاتنی ئیمامی محمدی مەهدی(سەلامی خوای لێبێت)کە وا زۆر بەجوانی باسی لێوە کراوە لەڕابردوودا لەڕێگەی نیگای خوای گەورەوە بۆ پێغەمبەرەکەی(صلی الله علیە وسلم) و ، ئەویش بەو پەڕی ڕاستگۆیی و ڕەوان بێژیەوە هۆشداری داوەتە ئوممەتەکەی لەپاش وەفاتی بەڕێزیشیان تاوەکو شوێن کەوتوانی بەرچاو ڕۆشن بن لە ڕووداو کارەساتەکانی سەر زەویدا!
دیارە فەرموودەمان زۆرە سەبارەت بە هاتنی ئیمامی مەهدی (سەلامی خوای لێبێت)بەڵام من لێرەدا تەنها باس لەو فەرموودانە دەکەم کەوا پەیوەستە بە ڕووداوەکانی ئەمڕۆی جیهانەوە!.
یەکەم: ڕووداوەکانی خۆر هەڵاتی ناوەڕاست و ، وڵاتی سووریا بەتایبەتی:
ئەوەی کە ئەمڕۆ دەبینرێت لە وڵاتانی ئیسلامی بە گشتی و وڵاتی سوریا بە تایبەتی، شتێکی نامۆ نیەو، بەسەردەمی زاڵم و ستەم کارەکان باسی لێوە کراوە لەفەرموودە پیرۆزەکانداو ، زۆر بە ووردی تیشك خراوەتە سەر ڕووداوەکان و پاش ئاوابونی خۆری دەسەڵات دارە ستەم کارەکانی وڵاتانی ئیسلامی، تیشکی ڕوناکی ڕۆژێکی نوێ بۆ ئوممەتی ئیسلام لەدایك دەبێت بەسەرکردایەتی پێشەوای مسوڵمانان (محمدی مەهدی) سەلامی خوای لێ بێت، کە ئەگەر تەنها ڕۆژێك تەمەنی سەر زەویش مابێت ئەوە خوای گەورە درێژی دەکاتەوە تا ئەم پێشەوا دادپەروەرە سەرکردایەتی مسوڵمانان بکات و ، سەرجەمیان لەژێر ئاڵای یەکخواناسیدا کۆ دەکاتەوە، وەك لەم فەرموودە پیرۆزەدا ئاماژەی بۆ کراوە!.
عَنْ أَبِي سَعِيدٍ الْخُدْرِيِّ ، قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " أُبَشِّرُكُمْ بِالْمَهْدِيِّ يُبْعَثُ فِي أُمَّتِي عَلَى اخْتِلَافٍ مِنَ النَّاسِ وَزَلَازِلَ ، فَيَمْلَأُ الْأَرْضَ قِسْطًا وَعَدْلًا ، كَمَا مُلِئَتْ جَوْرًا وَظُلْمًا ، يَرْضَى عَنْهُ سَاكِنُ السَّمَاءِ وَسَاكِنُ الْأَرْضِ ، يَقْسِمُ الْمَالَ صِحَاحًا " ، فَقَالَ لَهُ رَجُلٌ : مَا صِحَاحًا ؟ ، قَالَ : " بِالسَّوِيَّةِ بَيْنَ النَّاسِ " ، قَالَ : " وَيَمْلَأُ اللَّهُ قُلُوبَ أُمَّةِ مُحَمَّدٍ صَلَّى اللَّهُ عَلَيْهِ وَسَلَّمَ غِنًى ، وَيَسَعُهُمْ عَدْلُهُ ، حَتَّى يَأْمُرَ مُنَادِيًا فَيُنَادِي ، فَيَقُولُ : مَنْ لَهُ فِي مَالٍ حَاجَةٌ ، فَمَا يَقُومُ مِنَ النَّاسِ إِلَّا رَجُلٌ ، فَيَقُولُ : أنا ، فيقول : ائْتِ السَّدَّانَ ، يَعْنِي الْخَازِنَ ، فَقُلْ لَهُ : إِنَّ الْمَهْدِيَّ يَأْمُرُكَ أَنْ تُعْطِيَنِي مَالًا ، فَيَقُولُ لَهُ : احْثِ حَتَّى إِذَا جَعَلَهُ فِي حِجْرِهِ وَأَبْرَزَهُ نَدِمَ ، فَيَقُولُ : كُنْتُ أَجْشَعَ أُمَّةِ مُحَمَّدٍ نَفْسًا ، أَوَعَجَزَ عَنِّي مَا وَسِعَهُمْ ؟ ، قَالَ : فَيَرُدُّهُ ، فَلَا يَقْبَلُ مِنْهُ ، فَيُقَالُ لَهُ : إِنَّا لَا نَأْخُذُ شَيْئًا أَعْطَيْنَاهُ ، فَيَكُونُ كَذَلِكَ سَبْعَ سِنِينَ أَوْ ثَمَانِ سِنِينَ أَوْ تِسْعَ سِنِينَ ، ثُمَّ لَا خَيْرَ فِي الْعَيْشِ بَعْدَهُ ، أَوْ قَالَ : ثُمَّ لَا خَيْرَ فِي الْحَيَاةِ بَعْدَهُ " .(حديث حسن ، رواە أحمد في المسند ورجالە رجال صحیح).
واتە:لە ئەبو سەعیدی خودریەوە (خوای لێ ڕازی بێت) دەگێڕێتەوە کەوا پێغەمبەری خوا(صلی الله علیە وسلم) فەرموویەتی: مژدەتان دەدەمێ بە مەهدی لەناو ئوممەتەکەمدا دێت و لەکاتی ناکۆکی نێوان خەڵکی و بومەلەرزەدا دێت ، زەوی پڕ دەکات لە ڕاستی و دادپەروەری ، وەك چۆن پڕ ببو لە زوڵم و ستەم،لێی ڕازی دەبن دانیشتوانی ئاسمان و دانیشتوانی زەوی،پارەو سامان بە ڕێکی دابەش دەکات،پیاوێك ، وتی: ڕێکی چۆنە؟،فەرمووی: بە یەکسانی لە نێوان خەڵکی دا ، وە فەرمووی: خوای گەورە دڵی ئوممەتی محمد (صلی الله علیە وسلم)پڕ دەکات لە دەوڵەمەندی و، داد پەروەریەکەشی هەموویان دەگرێتەوە، هەتا بانگ دەرێك بانگ دەکات ، کێ پێویستی بە پارەو سامانە؟، هیچ کەسێك لە خەڵکی هەڵناستێت و ناچێت بەدەم ئەو بانگەوازەوە ، بێجگە لە یەك پیاو نەبێت و، دەڵێت: من ، ئەویش پێی دەڵێ: بڕۆ بۆ لای خەزنەدارو پێی بڵێ: مەهدی فەرمانی پێ کردویت پارەم بدەیتێ ،ئەویش پێی دەڵێ: هەڵی ڕێژەو هەتا کاتێك دەیکاتە کۆشیەوە ئەویش پەشیمان دەبێتەوە و، دەڵێت: من پیسکەترین کەسی ئوممەتی محمد (صلی الله علیە وسلم) بوم و ، وتی: دەیگێڕێتەوەو ، ئەوانیش لێی وەرناگرنەوەو، پێی دەڵێن : ئێمە کە شتێکمان بەخشی وەری ناگرینەوە، بەو جۆرە لەناوتاندا دەمێنێت حەوت ساڵ یان هەشت ساڵ یان نۆ ساڵ، پاشان هیچ خێرو خۆشیەك نامێنێت لە پاش ئەو،یان وتی: هیچ خێرێك لە ژیاندا نی یە پاش ئەو!.
ئەگەر بەووردیی لەم فەرموودە پیرۆزە وورد بینەوە، دەبینین لە ئێستادا خیلافێکی زۆر لە نێو خەڵکی دا هەیە بەگشتی و ، مسوڵمانانیش بە تایبەتی و ،هەرکەس دێتە سەر دەسەڵات ناتوانێت دادپەروەری بچەسپێنێت و دووبەرەکی نێوان خەڵکیش ڕۆژ لەدوای ڕۆژ لە زیاد بوندایەو کەس بەکەس ڕازی نیە،بەشێوەیەك ناکۆکی پەرەی سەندووە تا ئەوەی مسوڵمانانی سەر ڕاستیش لەناو خۆیاندا ناکۆکیان بۆ دروست بوەو،بە پیلانی دووژمنان و ناحەزانی ئیسلام هەر برایە خوێنی براکەی دەڕێژێت و ، گوێ بەهیچ حوکمێکی شەرعی نادات و، وە لە بەرامبەریشدا گەردونیش شیرازەی بەرەو تێك چون دەڕوات و بومە لەرزە زیادی کردوە لە سەر زەوی دا، زانایانی فەلەك ناسیش زۆر بە گرنگی باس لە ڕوداوی سروشتی دەکەن وبەردەوام بەدوای ڕێگە چارەیەکدا دەگەڕێن کەوا ڕزگاریان بکات لە ڕووداوە سروشتی یەکان، بەڵام سەرجەم کۆڕو کۆبونەوەکانیان بەبێ ئاکام کۆتایی پێ دێت وەك لە ڕاپۆرتەکانیاندا باسیان لێوە کردووە!.
کەوا بو لەم فەرموودە پیرۆزەو سەرجەم فەرموودە ڕاستەقینەکانی تری پێغەمبەری خۆشەویستمان (صلی الله علیە وسلم) سەبارەت بە ئیمامی مەهدی ئەوەمان بۆ ڕون دەبێتەوە کەوا ، ئەوکەسەی کە جیاوازی و دووبەرەکی نێوان مسوڵمانان چارەسەر دەکات و سەرجەم هێزو لایەنە ئیسلامی یە ناکۆکەکان کۆدەکاتەوە لە ژێر یەك ئاڵادا تەنها ئیمامی مەهدی یە(سەلامی خوای لێ بێت)، ئەم بۆچونەش بۆچونی خۆمەو پەنا دەگرم بەخوا لەوەی کە نەم پێکابێت و داوای لێخۆش بونی لێ دەکەم!.
دووەم: جەنگی نێوان ڕۆمیەکان(ڕۆژ ئاوا) لەگەڵ دووژمنێکی گەورەی پشتیانەوە( ڕوسیاو چین)!.
لەوکاتەی کەوا ئیمامی مەهدی دێت (سەلامی خوای لێبێت) ڕۆمیەکان کە ناسراون بە(ڕۆژ ئاوا) ڕووبەڕوی جەنگێکی گەورە دەبنەوە لەبەرامبەر دووژمنێکی گەورەی بەرامبەریان ، کە خەریکە دووچاری شکستیان بکات ، لەبەر ئەوەشە کەوا کاتێك ئیمامی مەهدی وڵاتانی جەزیرەی عەرەبی ڕزگار دەکات و ، وڵاتی فارس ڕزگار دەکات زۆر بە ئاسانی و، وڵاتانی زل هێزی جیهان بەهۆی ئەو جەنگو کوشتارەوە نایان پەرژێتە سەر ئیمامی مەهدی و دەسەڵاتەکەی، ڕۆژ ئاواش کە وڵاتانی(ئەمریکاو ئەوروپا) دەگرێتەوە لەبەر ئەو جەنگە سەختەی کە ڕوبەڕویان بۆتەوە لەلایەن هەردوو وڵاتی زل هێزی وەك(ڕوسیاو چین) و هاوپەیمانەکانیان، هیچیان پێ ناکرێت تەنها ئەوە نەبێت کە داوای کۆمەك و هاوکاری لە دەسەڵاتی ئیمامی مەهدی دەکەن و ، لەپاش یارمەتی خوای گەورە، بە هۆکاری بەدەمەوە چونی ئیمامی مەهدی و لەشکری مسوڵمانان ، پشتی ئەو دووژمنە زل هێزە دەشکێنرێت و سەرکەوتنێکی گەورە بۆ مسوڵمانان و گاورەکان دەبێت و لە پاشاندا ڕۆمیەکان خیانەت لە هاوپەیمانیەتیەکەیان دەکەن و، دوای ئەو دووژمنە گەورەیە پاشان ڕوو وەردەگێڕنەوە بەلای وڵاتانی مسوڵمانانداو، لەژێر هەشتا ئاڵادا دێن بۆ نزیك وڵاتی سوریاو، لە ناوچەی(ئەعماق و دابق)ی ئەو وڵاتە، ڕوبەڕوی لەشکری مسوڵمانان ، بەسەرکردایەتی ئیمامی مەهدی دەبنەوەو ، لەماوەی چوار ڕۆژدا خوای گەورە پشتی ڕۆمیەکان دەشکێنێت و سەرکەوتن بۆ مسوڵمانان دەبێت و پاش ماوەی لەشکری ڕۆمیەکان هەڵدێت بۆ شاری(قستنتینیە) کە ئەستەم بوڵی ئێستای وڵاتی تورکیا دەکات!.
ئەو جەنگەش ناوی جەنگی(ملحمة الکبرا) یە ، واتە: جەنگە گەورەکە، لەفەرموودە پیرۆزەکانی پێغەمبەری خۆشەویستمان( صلی الله علیە وسلم) و ، لە لایەن ڕۆژ ئاواشەوە ناسراوە بە جەنگی(هرمجدون)!.
عن ذي مخبر ، قال: سمعت رسول الله صلى الله عليه وسلم يقول: تُصَالِحُونَ الرُّومَ صُلْحًا آمِنًا وَتَغْزُونَ أَنْتُمْ وَهُمْ عَدُوًّا مِنْ وَرَائِهِمْ فَتَسْلَمُونَ وَتَغْنَمُونَ ثُمَّ تَنْزِلُونَ بِمَرْجٍ ذِي تُلُولٍ فَيَقُومُ إِلَيْهِ رَجُلٌ مِنْ الرُّومِ فَيَرْفَعُ الصَّلِيبَ وَيَقُولُ أَلَا غَلَبَ الصَّلِيبُ فَيَقُومُ إِلَيْهِ رَجُلٌ مِنْ الْمُسْلِمِينَ فَيَقْتُلُهُ فَعِنْدَ ذَلِكَ تَغْدِرُ الرُّومُ وَتَكُونُ الْمَلَاحِمُ فَيَجْتَمِعُونَ إِلَيْكُمْ فَيَأْتُونَكُمْ فِي ثَمَانِينَ غَايَةً مَعَ كُلِّ غَايَةٍ اثْنَا عَشَرَ أَلْفًا)(مسند أحمد، حديث صحیح).
واتە: لە ذی مەخبەرەوە(خوای لێ ڕازی بێت) دەڵێت: گوێم لە پێغەمبەری خوا بوو(صلی الله علیە وسلم) فەرمووی: لەگەڵ ڕۆمیەکاندا پەیمانێکی ئاشتی دەبەستن و، ئێوەو ئەوان جەنگ دەکەن لەگەڵ دووژمنێکی پشتی ئەوان و ، پاشان سەردەکەون و دەست کەوت و غەنیمەتێکی زۆرتان دەست دەکەوێت و، پاشان لە مێگێکدا دادەبەزن کە گردو تەپۆڵکەی زۆرە، لەناو ڕۆمیەکاندا پیاوێکی ئەوان هەڵدەستێتە سەرپێ و خاچەکەی دەستی بەرز دەکاتەوەو ، دەڵێت: خاچ سەرکەوت و، لەوکاتەدا پیاوێکی مسوڵمان هەڵدەستێتەوە بۆی و دەیکوژێت و ، (مەبەستی کوشتنەکەش لەبەر ئەوەیە کەوا پشتیوانیەکەی مسوڵمانان بە کەم دەزانن و بێ منەتن لە هاوکاری و پشتیوانی مسوڵمانان)، پاشان ڕۆمەکان غەدر دەکەن و جەنگە گەورەکە ڕوو دەدات لە نێوانیانداو ، ڕۆمیەکان کۆدەبنەوە لە ژێر هەشتا ئاڵادا و هەر ئاڵایەکیش دوانزە هەزاری لەژێردایە!.
ئەگەر بە وردی لەم فەرموودە پیرۆزەش وورد بینەوە ، دەبینین ماوەی چەند ڕۆژێکە لە وڵاتی ئۆکرانیا بەهۆی شۆڕشی خۆپیشاندەرانەوە کە ئەوروپاو ئەمریکا پشتیوانیان دەکەن و ،دەسەڵاتە هەڵ هاتوەکەی ئەو وڵاتەش کە ڕوسیا پشتگیری دەکات و ،پاش کوشتنی چەندین خۆپیشاندەر بەدەستی دەسەڵاتەکەی سەر بە ڕوسیا ، بەچاری ناچاری تەختی کورسی بەجێ هێشت و هەڵهات و لە زۆرێك لە شارو شارۆچکەکانی ئەو وڵاتە پەیکەری(لینین)یش شکێنراو، ئەمەش بەتەواوی حوکمەتی ڕوسیای توڕەکرد تا ئەوەی (پۆتین)ی سەرۆکی ڕوسیا ڕای گەیاند بە هێزی سەربازی بچێتە ناو خاکی ئۆکرانیاوە، لە ئێستاشدا زۆرێك لە شارە سنوریەکانی نێوان ڕوسیاو ئۆکرانیا پەرچەمی وڵاتی ڕوسیای لێ هەڵکراوەو گەورەترین جەزیرەی وڵاتی ئۆکرانیاش کەوتۆتە ژێر دەستی ڕوسیاو ، زۆرێك لە کەشتیە سەربازی و هێزە سەربازیەکانی وڵاتی ئۆکرانیاش کەوتۆتە دەستی ڕوسیاو ، لەبەرامبەریشدا ئەمریکاو ڕۆژ ئاوا هەڕەشە لە ڕوسیا دەکەن و ،داوای لێ دەکەن بە زوترین کات سەرجەم هێزەکانی بکشێنێتەوە، بەڵام بەپێی ڕاپرسیەك کە لە وڵاتی ڕوسیا ئەنجام دراوە لەسەدا نەوەدو زیاتری دانیشتوانی ئەو وڵاتە ، هاوڕاو پشتیوانی سەرۆکەکەیانن و لەگەڵ لەشکر کێشی و لایەنی سەربازی وڵاتەکەیاندان بۆ وڵاتی ئۆکرانیاو تەنانەت پاش وتو وێژی ڕوسیا لەگەڵ چینی هاوپەیمانیدا هەردوولا یەك دەنگن لەسەر پشتیوانی کردنی یەکتری و کە بەڕێگە چارەی سەربازی بچێتە ناو خاکی ئۆکرانیاوە، تا نوسینی ئەم بابەتەش ئاڵۆزیەکان بەرەو زیاد بون دەچێت و لە هەندێك ناوچە هێزی سەربازی ڕوسیا پاش هاتنە ناوەوەیان بۆ وڵاتی ئۆکرانیا ، مۆڵەتی تا بەیانیان داوەتە هەندێك لەو هێزانەی ئۆکرانیا کە گەمارۆ دراون و لە پایتەختی ئۆکرانیاش دەسەڵاتە نوێ یەکەی ئەو وڵاتە کە ئەمریکاو ڕۆژ ئاوا پشتیوانی لێ دەکەن، سەرجەم هێزە سەربازیەکانی ئەو وڵاتەی خستۆتە ئامادە باشی و داوای لە وڵاتانی ئەندامی ناتۆو جیهان کردووە کە هێزی ئاشتی پارێز بنێرێن بۆ وڵاتەکەی،گەنجانیش خەریکی ناو تۆمارکردنن بۆ چونە ناو بەرەکانی شەڕەوە !
چاودێرانی سیاسی و سەربازی لە ڕۆژ ئاوا ئەم ڕووداوە بە جەنگێکی گەورە باس لێوە دەکەن و ، پێشیان وایە کەوا هەروا بە ئاسانی هیچ لایەك دەست بەرداری لاکەی تر نابێت و ئەم جەنگەش پشکی بەر هەموو وڵاتانی ئەوروپا دەکەوێت!
لەکاتی ڕودانی ئەم جەنگە گەورەیەشدا ڕاستی فەرموودە جوانەکانی پێغەمبەری خۆشەویستمان دێتە دی،لە کۆتایی دا: بێ لە فەرموودە پیرۆزەکان باقی ئەو بۆچونانەی کە نوسیومە بۆچونی خۆمەو ، لەهەڵەکانی پەشیمانم و چاکەکانیشی لەخوای گەورەوەیەو ، ئەمە تەنها پێشبینیەکی ئەم بەندە تاوانبارەیە بە پێی تێگەشتنم لە دەقە شەرعیەکان و ڕووداوەکانی ئەمڕۆی جیهان!.
